ރޯދައިގެ ޙުކުމްތަކާއި އޭގެ ޝަރުޠުތައް
ނަޡީމް ނިޡާމް•22 އޯގަސްޓު 2026•1 މިނެޓުގެ ކިޔުން
ރޯދައަކީ އިސްލާމްކަމުގެ ފަސް ރުކުނުގެ ތެރެއިން ހަތަރުވަނަ ރުކުނެވެ. އެއީ ފަޖުރުލީއްސުރެ އިރުއޮއްސުމާ ހަމައަށް، ރޯދަ ގެއްލޭ ކަންކަމުން ދުރުހެލިވެ ހުރުމެވެ. މި ޢަމަލަކީ ﷲ ސުބްޙާނަހޫ ވަތަޢާލާ އަށްޓަކައި ކުރެވޭ ޚާލިޞް އަޅުކަމެކެވެ.
يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ
އޭ އީމާންވެއްޖެ މީސްތަކުންނޭވެ! ތިޔަބައިމީހުންގެ ކުރީގެ މީސްތަކުންގެ މައްޗަށް ފަރުޟުކުރެއްވި ފަދައިން، ތިޔަބައިމީހުންގެ މައްޗަށްވެސް ރޯދަ ފަރުޟުކުރައްވައިފިއެވެ. އެއީ ތިޔަބައިމީހުން تقوى ވެރިވުމަށްޓަކައެވެ.البقرة ١٨٣
ރޯދަ ވާޖިބުވާ ޝަރުޠުތައް
- އިސްލާމްވުން
- ބާލިޣުވުން
- ބުއްދި ސަލާމަތުން ހުރުން
- ރޯދަ ހިފުމުގެ ކުޅަދާނަކަން ލިބިފައިވުން
- ދަތުރުވެރިއަކު ކަމުގައި ނުވުން
ޙަދީޘް
بُنِيَ الْإِسْلَامُ عَلَى خَمْسٍ
އިސްލާމްކަން ބިނާވެގެންވަނީ ފަސް ކަމެއްގެ މައްޗަށެވެ.މަޞްދަރު: ބުޚާރީ 8، މުސްލިމް 16
ރޯދަ ގެއްލޭ ކަންކަން
ޤަޞްދުގައި ކައިބޮއެ ހެދުމާއި، ޖިމާޢުވުމާއި، ޤަޞްދުގައި ހޮޑުލެއްވުމަކީ ރޯދަ ގެއްލޭ ކަންކަމެވެ. ނަމަވެސް ހަނދާން ނެތިގެން ކައިބޮއެ ހެދިއްޖެނަމަ ރޯދަ ނުގެއްލޭނެ ކަމަށް ޖުމްހޫރު ޢިލްމުވެރިން ވިދާޅުވެއެވެ.
1މި ލިޔުމުގައި ބަޔާންކޮށްފައިވަނީ ޖުމްހޫރު ޢިލްމުވެރިންގެ ރައުޔެވެ. ތަފްޞީލީ މައްސަލަތަކުގައި ޢިލްމުވެރިއެއްގެ އިރުޝާދު ހޯއްދެވުން އެދެމެވެ.
2,411
މިބާވަތުގެ އިތުރު ލިޔުންތައް